التسامح مع الآخر جزء من رقي الذات، ونقاء السريرة، وافتراض حسن الظن.. حتى بمن يسيء تفسير شفافية - لغة الاعتذار لأسبابه - وهذا ما تحدّث عنه الشاعر نواف بن منصور الشلهوب في القصيدة التالية:
أهديتك آسف طوع.. ما هو غصيبه
والاّ الغلط تبطي تجي دربه خطاي
تقدير ربعي فوق قدر الحبيبه
اللي تمكّن حبّها داخل حشاي
يا بو غضب سَمّوك بالأمس.. طيبه
ملزوم تقبل تسمع اليوم شكواي
وشلون تزرع بين الأحباب ريبه
شف كيف غرسك أثمر عتاب بـ شفاي
يا بوغضب واللوم جوعان ذيبه
شرّبتني الصدمه مثل شربة الماي
تخوين ربعك ليتها بس عيبه
مير البلا تكوي فرح قلبك الجاي
يا بوغضب لعيون منهو نصيبه
يدندن الضيقات أبيات في ناي
اغرف بدون حساب غرف النهيبه
يوم إن حسن الظن قد فاض جوّاي
الشاعر/ نواف الشلهوب
