الله يطول عمركم بالعباده
يا من غزاكم عامل الكبر والشيب
يا من لكم بالعمر صبر وجلاده
ويا من لكم بالقلب ود وترحيب
شيباننا منكم خذينا شهاده
فيها العلوم الطيب والتجاريب
ومنكم خذينا للشدايد إراده
ومنكم تعلمنا دروس المواجيب
ومنكم تعلمنا مثال القياده
ما بين ترغيب المبادي وترهيب
فيكم عرفنا للحياة السعاده
خير يفيض دون شك ولا ريب
تستاهلون البر واكثر زياده
تستاهلون الحب ود وتقريب
فيكم ومنكم للمراجل رياده
شي أكيد ما يجي بالعذاريب
الله يطول عمركم بالعباده
يامن غزاكم عامل الكبر والشيب
فهيد البقعاوي
