أصدّق ظنوني فيك وأكذّب التقصير
وعنك أتخيَّل لي معاذير واقبلها
وأبرر بنفسي حاجةٍ مالها تبرير
وأغطّي حقايق واقعك واتجاهلها
ولو كان صدّك بان له بالحشا تأثير
ليا قصرت حبال المواصيل أطوّلها
وعلشان ما اهدم الغلا وارخص التقدير
أعرض احتمالات الجفا واخذ اجزلها
وزمانٍ مضى يعطيك للِّي حصل تقدير
أدوّر رضى خاطرك والعالم أزعلها
ولازال لك عندي مكانه ووضعٍ غير
ولك قيمةٍ لاجيت يمِّي تحصّلها
وهذي رساله صغتها باصدق التعبير
تحمل الوفا والود.. والصدق يحملها
الشاعر/ خليل بن هدلان
