الله كم طيف.. من نومي يفززني
والله كم آهةٍ بالصدر تبراني
والعمر.. عشق ٍ جمع عيني معا حزني
مادري من اللي خذا الثاني من الثاني
يا شوقي اللي من اقصى الجوف ينهزني
كنك على ستر وجهي حالف إيماني!!؟
والصبر عن لهفتي ماهوب معجزني
ماهوب معجزني الاّ.. قلبٍ اناني
علمني اكره عذولٍ فيك ينغزني
وعلمني احب من حبك علشاني
والشوق جمرٍ على فرقاك يخبزني
لين احترق فيك وافقد كل وجداني
في وسط صدري ربيعك.. يستقي مزني
وإلا منامك هنا! في نون الأعياني
يا فرحة الروح تدري وش ملعوزني!!؟
ومشتت الفكر من منفاي، لأوطاني!
لاغبت!! مافيه حزنٍ يشبه لحزني!!؟
الله كم آهةٍ في الصدر تبراني!!
- نجلاء الشريف
