شفتك على الشاشة وفزيت أحييك
وأقدم فروض الولا والتحيه
سلامتك يابوي والسو يخطيك
وينجيك رب الكون من كل سيه
يا خادم الحرمين شعبك يهنيك
ويهني الأسرة تهاني نديه
شايل هموم الكل والشعب يغليك
قايد وفي وقلوب شعبك وفيه
أشر وتلقا الشعب كله يلبيك
دونك نضحي بالنفوس الأبيه
ويا بوي أنا ودي اقبل أياديك
وأقول لك تسلم صباح وعشيه
مشاعر الفرحة من القلب تأتيك
وعساك دايم في حياة هنيه
عبدالعزيز بن جميل أحمد البيرقدار - الوجه
