في غيبتك عيني من الشوق ولهانه

وقلبي عزم دمعتي تنزل على خدي

وطاحت وهي بالغلا والشوق رويانه

وروحت معها وانا ودي ولاودي

ما يحيى العاشق الا شوف خلانه

ولا يذبح العاشق الا كثرة الصدي

أسبوع من غيبته وقلت زعلانه

من خوف حر الفراق وطاري البعدي

عليه كل العروق البيض ضميانه

متى يبل العروق ويروي الكبدي

وتزهر ورود مع الأيام ذبلانه

وأشم فيها شذى الأطياب والندى

لا غاب عني حياتي مالها خانه

وليا وصلني حياتي كلها شهدي

وينه طبيعي كذا هو قاهر أقرانه

كنه يقول ان سمحتو ماحدن قدي

لانه يصب الشهد مع نطقه السانه

اليا تكلم وقال أيوه يا جدي

يذبحني بغنجته يا لبا جدانه

ويذبحني السكري لذاب فالوردي

كن الفساتين تبغى تكون فستانه

وكن الجواهر اليا لبسته تعتدي

اليا تبسم وبين صفة اسنانه

تكشف بشمس الضحى مياسة القدي

من شاف نار وبرد في مبسم انسانه

شوفي نهاره ضحك ويديه في يدي

قولو لها لا تمر السوق فتانه

تقهر بنات العرب تذبح بني جلدي

مدري هي الموت ولا الموت بعيانه

لاهو الموت بين الحر والبردي

كل حسدني عليها مطرق البانه

والناس ما تعطي الحاجه ولا تردي

اللي عطانيه ربي جل سبحانه

ما جابها لا حسن ظني ولا جهدي

الشاعر/ فيحان المطيري - المدينة المنورة