قلِّب معي ذكريات الماضي المنسي
أوراق عمر الضياع أرجوك رتبها
أيام كنَّا سهارى والملأ.. تمسي
عشّاق والعاطفه.. تبحر مراكبها
كان الغلا.. بيننا.. يا هاجري حسِّي
أحرف قرتها المشاعر.. قبل تكتبها
كان الهوى في طريق أحلامنا عكسي
ما كنت أفكِّر بساعاتي.. وعقربها
كنت أنتظر من سفينة غيبتك ترسي
وأثريك مع عاشقك ناوي تخربها
يعني بعد ما عطيتك يالغلا نفسي
أسرفت في ظلمها.. كانك تعاقبها
نسيت حاضر وفاي وجيت من أمسي
تلطم جروح الوداع اللِّي مسببها
ما أبيك خل الغرام اللي مضى منسي
أنا حياتي لغيرك صرت واهبها
الشاعر/ سعيد العمودي - حائل
