جيتي مسائك غير باشواق واعتاب
كلك عتب لكن عليك الملامه
غبتي بلا مبرر ولا عذر واسباب
وانا لحقني من غيابك علامه
حتى تحت جفني للاشواق ترحاب
القلب لوينطق سمعتي كلامه
في غيبتك ياني من الشوق مرتاب
اخاف اضيع بكثرته وازدحامه
اشتقت لك شوقٍ ماهو شوقٍ الاحباب
شوقٍ خيالي يستحق الزعامه
شوقٍ بنيته بيت واخيام باطناب
شوقٍ يمثل للغرام احترامه
لانك قمر مدري على طلتك غاب
لان القمر مابه على الخد شامه
لاتشرحين العذر يكفيني اعتاب
واجد من شفاهك علي ابتسامه
