ضاق صدري من هجوسه لين وصل حده

واحتداه الهم واضروف الزمان وجوره

والله اني كل ما جاني القصيد ارده

خوف من بعض العلوم الي تسوي ثوره

جزت من كثر التفاف افكاري المرتده

لين اشوف احدٍ يعرف ان العصا مشقوره

ضاعت العالم ما بين اخذ البريد وده

وبين يابحر الغرام الي سرا بابوره

ما بقا لذوق ذوق وكل صدق اعده

ما بقا الا ثورة الي ما يقدي شوره

شنت العالم حروبٍ مثل حرب الرده

وانتحت عن وجهت الحق الصحيح ونوره

واخطت الوجهه ولو انها تعد العده

لقتناص الفرصه الي كل ابوها عوره

اختلافات وتحزب واتحاد وحده

والتفافات وعقولٍ بالخطا محصوره

لو نظرنا في الطريق الي يسار نمده

في النهايه ما نبقي حاجةٍ مذخوره

غير شوف وحرق جوف وطرقةٍ منسده

وانهدام القلعه الي كم لها معموره

بعدها يبدا التلاعب بين حده رده

وانقل البلجيك يالي ما خذٍ لك دوره

وان بغيت تلد شوفك عن طريقي لده

كل حاجه لا بغيت تجيبها مقدوره

شد حبل الدلو يالي ما قدرت تشده

كل رجل يحلل الدعوى على منظوره

ذي حقيقة ذا الزمان الي يبيح سده

كل واحد في زمانه ما يمس شعوره

قد نصحتش يا هجوسي غير مالش صده

واستعيذ من الرجيم وهقوته مدحوره

عبدالله المهداني