لبسوا ثياب العيد يا فرحة العيد
وانا دموعي فوق خدي سكايب
فقدت صوتً شاقني يا الاجاويد
راح وهجرني دون عذر وسبايب
تعبت من فرقا هوا فتنة الغيد
عزي لحالي من جروح عطايب
تخنقني العبرات وهمومي اتزيد
لامرني طيفه بصوت الهبايب
متى على الله يترك الهجر ويعيد
ويرتاح قلبً من عنا الحب تايب
مايدري اني صرت ضمن المقاريد
اطرد سرابه من ظما الشوق ذايب
طير المحبه طاح كب التغاريد
له عام ياسلطان ينعى الحبايب
ولبسوا ثياب العيد يافرحة العيد
وانا دموعي فوق خدي سكايب
علي المطيري
