محد يسوي يا حبيبي سواتك
ولا هقيت أن الغلا ذاك ينهار
أثر الغدر طبعك واجمل صفاتك
والكذب يجري في عروقك ويحتار
كنت أعتقد بأني وحيد بحياتك
ومجلسي عندك يجي بآخر الدار
واني أنا مستقبلك وامنياتك
وان الغلا يكبر مع الناس الاخيار
لكنّك اخلفت الهقاوي بذاتك
لنّك غديت اليوم خاين وغدار
لا تعتقد بأن الخسارة لذاتك
آخر مطاف ولا يجي عقبها ثار
بكرة تجيني تعتذر عن سواتك
واقول فاتك قلبي اليوم في دار
