حلّ

لا ضاق صدرك عالي الصوت جره

لو كان قلبك ما يطاوعك مسرور

دنياك لو تسوى من الحِزن ذرّة

ما كان تاليها توابيت وقبور

***

خوّة

خوي النشاما راس ماله حيا واحساس

ولكن بوقت المدح لازم يعدونه

وترى اللي مثل شرواه ينحط فوق الراس

حياته فخر والناس لامات ينعونه

***

جواهر

إعرف متى تحتاج جوهر كلامك

وإعرف متى تحتاج تجنح على الصمت

تصير لك هيبة وترفع مقامك

وتهدّي أصوات البشر لا تكلّمت

***

رصيد

ياعاشق الدنيا ترى المال زوّال

كم واحدٍ ماخلّده كثر ماله

وكم طيّبٍ لو كان ما يملك المال

بين البشر حاز الثنا والشكالة