يقول من صعب القوافي فتلْها

والْيا فتلت القاف ما ينقضوني

ما كل من رام المعالي وصلْها

ولا كل من سام الجواهر زبوني

أحسب أنا نجد العذيه وأهلها

موطن حرارٍ للوطن يحتموني

كل الفخر والمجد والعز والْها

ورْجالها بفعالهم يفرقوني

وقلوبنا دايم لأهْل نجد ولْهَا

مسكانهم فالقلب لو يبعدوني

واحب شوف اهضابها مع سهلْها

واحب بدوٍ فوقها يقطنوني

يا زينها وإن ساق مزنٍ غسلْها

مثل الذهب شوف الهضاب ابْ عيوني

واحب انا داورد واحب أسلْها

عن نزل حييٍ للغضى يقربوني

مربى غزالٍ غيبتة محْتملها

حبه يفوق الْ حبها واعذروني

عنق المها في وصفها من مثلْها

حتى الصغار الْ شوفها يطربوني

شوفه حياة الروح مروي محلْها

غيث القلوب الممحله بالمزوني

الدانه اللي ما تماري هللْها

واللي يماري زينها يخسروني

تضحك لي الدنيا ويضحك املْها

وان شفتهم بقْدومنا يحتفوني

هي غايتي والله مقْبَل بدلْها

بنت الشيوخ اللي تدك الحصوني

الشاعر: حشر بن عبدالمحسن بن حميد