ما تفرج ضيقةٍ حبلها عقده جويد

لين اشيل الصوت وآخذ على الجيب نهوة

في سنع بدوٍ بعد قربهم راحوا بعيد

دونهم للجيب روحة ومسراء وضحوة

لا جزا الله خير راع المشورة بالشديد

ولا للعسوس اللي عطوهم خبر صيف فحوة

ودي اتعب في سنعهم على صاف الحديد

لو ما احصل عندهم غير فنجال قهوة

وشوفة اللي حط له فالحشاء رفٍ فريد

وحط له فالرف عشٍ تقل عش صعوه

ان حكى لي عيد وان مد الي يمناه عيد

يوخذ الفنجال منها على غير شهوة

والهوى المعتاد راعيه لو ما يستفيد

غير شوف اللي يريده لقى فيه لهوة

ولا يواخذ لو نقص فالكلام ولو يزيد

ولا يعاتب لو يجي فيه سجة وسهوة