العيد جاء عادت علينا لياليه
بالخير وايام الرخا والسعاده
بالعيد كل ينتظر شوف غاليه
وغالي يجي غاليه عقب ابتعاده
بندر الجميعة
***
عيدك مبارك صاحبي وين ماكنت
يزف لك قلب الخفوق التهاني
عيدك مبارك كثر ما بي تمكنت
كثر الغلا اللي في الضلوع المحاني
جلعود لافي الشمري
***
صمنا وصلينا خشوع وطاعة
وكل ٍ على النية وتعلم حاله
العيد في شوف الوجيه السمحة
ياحظ من هذا اللقا يهيا له
خضران المطيري
***
كلٍ تهنى نهار العيد
والتم شمله بمضنونه
ومضنون عيني علي بعيد
والله ما اقوى العزا دونه
حمد عبد الله النعمي
