العمر راح وما مضى منه ما عاد

عساه فاللي يرضي الله قضيته

راحت سنين العمر ما عاد تنعاد

ما عاد ينفع قول ليته وليته

مرت بي أيام قديمات وجداد

الله من ذنب عليه جنيته

الآدمي لو عاش له وقت وش عاد

لابد ما دنيا العنا مقتفيته

أقفت على ناس جماعات وأفراد

أقفت بهم غبر اليالي سحيته

يا اللي تريد العز ودروب الأمجاد

عليك بالطاعة وفرض قضيته

سنة رسول الله عن الحق ما حاد

محمد اللي بالشفاعة رجيته

يا الله ياللي حط للناس ميعاد

ياللي يحجون الأوادم لبيته

ويالله يارب له الناس سجاد

يا محيي خلق وخلق فنيته

إنك تنجي والديني والأجواد

من هول يومن مقبل ما نسيته

من موقف لابد ما عنه محياد

من يذكره ما يهتني في مبيته

ضيحة البديري