ياالله تزيح الهم والغم عنا
والحزن تقفاه الليال السعيدة
الله ير حمنا ولا يمتحنا
الموت سنة ربنا في عبيده
الموت اخذ نايف وسلطان منا
وفهد فهد ليت المنايا تعيده
ارجي من الله واطلبه واتمنا
يبقي لحكام الشريعة شريدة
منا الولا لملوكنا في زمنا
حنا لنا مبدا ودين وعقيدة
منا الوفا من يوم كانوا وكنا
شعب اموالي والقياده رشيدة
وكم واحدن طبل وزمر وغنا
زمرة ابليس امن الحدث مستفيدة
لوغاب نجم وفي غيابه حزنا
تطلع انجومن في سمانا جديدة
يابو فهد حنا هل الصدق حنا
جاك الولا ومبايعتنا الأكيدة
ويالله تحمانا وتحمي وطنا
ويعيش ابو متعب اسنينٍ عديدة
سعود عالي الجش المطيري
