ويش أبي بالناس.. مالي بخلق الله لزوم
ما وراهم غير الافلاس دنيا وآخره
دام يدك تحط بحلوقهم فانت محشوم
وان تراخت يوم.. جات النقايد زاخره
يلبسونك مدح مما لبس حاتم هدوم
والكثير من المدايح تعوّد ساخره
بعضهم لاناشه الجوع من صوتك يقوم
وان شبع يالله يحاكيك مع مناخره
والبعض يبقى على طيلة العمر محكوم
للطمايع والطماميع ربك صاخره
عيشته توكل نهابة ضحى وهو محروم
وان بغا واعتاز ماحاز شيٍ داخره
مثل هذا رفقته لو تمادت ما تدوم
في قرار النفس للجاي مانت بذاخره
هم هذولا الناس دايم على وجه العموم
عايشين صراع موج البحر.. والماخره
الشاعر/ عايض بن محمد العتيبي
