بلاوي الدنيا تجيني طوابير
وأنا ابتسم رغم انتكاسة ظروفي
أحس من حزني تغص التعابير
ويضيق صدري منه ويزيد خوفي
أجامل العالم وأقول إني بخير
وأكتم بقايا الضيق في وسط جوفي
ماودي أن الناس تدري وش يصير
وأدري عيون الناس تقرا حروفي
ياناظري بسّك .. دموعك مسامير
تبكي قهر والناس ماعاد توفي
همٍ على قلبي قعد دون تبرير
والحين مما فيّ تبكي طيوفي
تعبت من طول العنا والمشاوير
وأتعبت نفسي والزمن مايروفي
أحاول اخفي دمع عيني عن الغير
لو ان كثر الدمع يأثر بشوفي
بلاوي الدنيا تجيني طوابير
وأضحك وانا والله صعبة ظروفي
الشاعر -فارس الصميدان
