دولة سعودية لنصره عقيده
من يوم قامت ما بقى شرك وشكوك
المملكة نخلة وعالي جريده
تثمر رطب طيّب ولا تنبت الشوك
راح الأمام وصار بعده حفيده
عبدالعزيز محكّم الشرع بصكوك
بعده عياله كل واحد وليده
أنشهد أن المملكة قادها ملوك
ولي عهدٍ راح عنّا فقيدة
يا عامل المعروف للناس عرفوك
مرحوم يا مشارك مع الجيش عيده
سلطان كل الشعب يامير حبوك
يوم أبو متعب حط نايف عضيدة
أنبايعه بالعهد ونقول مبروك
هذه السعودية نردد نشيدة
عاش أبو متعب والملايين حيوك
عسى بلادي كل عامٍ سعيده
يا شعب لا تحزن وعبدالله أبوك
الشاعر - شلاش بن بلال العنزي
