يا الله يا اللي نطلبك كل الأوقات
ونرجي ثوابك يا عظيم الجلالي
ترحم سليل المجد رجل المهمات
سلطان أبو خالد زبون المعالي
جانا الخبر ونقول سلطان ما مات
حيٍ بذكره ما تغيب وزالي
ذكره يخلد بالفعول الجزيلات
يبقى على مر السنين الطوالي
كم معسرٍ جاله يشيل الثقيلات
وشال الحمول وراح والبال سالي
وكم من مريضٍ حالته في معانات
وقام وتكفل ما حسب للريالي
حلال صعبات الأمور العسيرات
عز الله أنه رمز في كل حالي
نبكي على فقده زعيم البطولات
لو كان دمع العين ما جاب غالي
وندعي له المولى بكل الصلوات
يجعله بالفردوس خير المنالي
نواف محمد الصخابرة
