ياطارشٍ تبغى السوالف والعلـوم
دوك الكتاب اللـي يظـم ابطيتـه
بعض التجارب والعوايد والسلـوم
الحـر دايـم تحكمـه حريـتـه
بين المـوادع يانديمـي والقـدوم
قص الاثر والعلـم مـن ماريتـه
لوينتهي حرب الشوارع والنجـوم
كلٍ طرح سيفـه علـى جنبيتـه
مار الزمن كله سهومٍ في سهـوم
على الطريق اللي مشو طرقيتـه
النا سنه ندفع على الضحكه رسوم
لين الزمان اركـى علينـا كيتـه
واصبح قوي الحيل مايقدر يقـوم
حتى الجبل طالت وقصـرت فيتـه
وان قلت ابجنب وانا مالي لـزوم
قلبي من الغاره زمـت غاريتـه
وانا الحقيقه ماعلي قاصر همـوم
امالنـا الحيـه بحضـن الميتـه
والصبرمفتاح الفرج في كل يـوم
واللي علـى نيـه يفـوز بنيتـه
مابين خطين ا لمدافـع والهجـوم
راع القريـه يفتـخـر بقريـتـه
والخاتمه من ينتبه على العمـوم
يشوفها في روحتـه فـي جيتـه
بعض البشر رسميته فوق اللزوم
ويمكن يجيه الكره من رسميتـه
صالح بن عبدالرحمن الناصر - الزلفي
