لو العتب يا صاحبي يبرد الشوق
يمكن تهون هموم قلبي بدنياك
أكيد لك حق وغلا وانت لك ذوق
وتفهم شعور اللي يحبك ويهواك
ماني أنا معدوم الاحساس مخلوق
أنا ترى مثلك لي إحساس شرواك
والله ما خليت في القلب معلوق
إلا تعلّق في شعورك وطرياك
وأتذكّر حروف الهجاء بكل منطوق
وحلو السوالف لا حكت لي شفاياك
اقرب وناظر داخل العين والموق
شف صورتك بين العيون وسجاياك
قالوا من أول كل مطرود ملحوق
لكن عجزت ألحق بحبك مطاياك
الشاعر - مناحي الفرزة
