يا للي تقول احسم الموضوع كالآتي
حنا نقول القــضيه ســرها معنا
تبغى مع الصبر حكمه بالقراراتي
وليــا تســرعت حـنا ما تسرعنا
لو كان تكثر على الغالين شرهاتي
تموت عنــد اللقا وليــا تــودعنا
اقفل محــطات وشغــل محــطاتي
الشــرع والسلم والعــادات تمنـعنا
لا تـــزرعون المسافــه بالمطــباتي
تبعـث مواجعك وتحرك مواجــعـنا
من حسن ظني تحقق لي طموحاتي
هذي نمونه بسيطه من بضايعنا
شرعــت بالبسمــله ثم التــحياتي
اللــه أكــبر على ســاقت مطوعنا
قضيت من غاية الموضوع بسكاتي
لو بنت بقعا من الاوجاع تشبعنا
كنا انتــدربت على قــفز المضلاتي
شطرٍ لفيصل ولد منصور ما ضعنا
اجبال شمرخ قــريبه للســراواتي
اليــا شرينا بسوق الطيــبه بعنا
نبغي الجزيله على عرش الجزيلاتي
ودي يخـــتّم عليها في مــراجــعنا
والهيـــنه رددوهـــا بالقنـــاواتي
لاكن عيــت تلين الــها مسامــعنا
الزلفي
