صحوة

لا وحسايف كلمة قلتها العام

في مدح من لا يستحق المدايح

غلطة ومنـها ناخذ دروس الايام

تأثيرها يفوق كل النصايح

***

حلم

للضيق حالات خصب وموسمه وافي

وطبع الفرح لحظة عجلة وخوافة

وصبح التباشير حلم وموعده خافي

كنه يجي للحزين يدوّر انصافه

***

مفاضلة

اللي عن البوح، فضّل لذة سكاته

لو اغرته كلمة ماهوب ناطقها

دام الفرح ما يجيه بحسب رغباته

فالحزن موجَه، على كيفه يرافقها

***

غرق

ياساحل الصدق ، كم بينك وبين الغرق ؟؟

يوم اختفى الحد بين الطيب ، هو و الردى

البارحة في حديث المحبرة ، لورق

لاطار سرب الحمام ، ولا النهار ابتدى