يارب جيتك وانا شايل ذنوب عظام
طامع بعفوك وراجي مغفرة يا كريم
اقسم بك اني كثير احيان مااقدر انام
اذا تذكّرت وش سويّت وانّك عليم
يا كثر الأخطا, ويا كثر القلق والخصام
في داخلي كلما اتذكّر عذاب الجحيم
وياما كلام نطقته واحسب انه كلام
وياما قصيدٍ كتبته كان ذنبه عظيم
وياما وياما حوى صدري نوايا ظلام
وياما وياما تركت المسلك المستقيم
استغفرك كثر ما تنبض قلوب الأنام
واستغفرك كثر ذرات الرمل يا حليم
استغفرك كثر ما طارت طيور الحمام
واستغفرك كثر مااغواني اللعين الرجيم
يارب في الباب ياقف ضيف شهر الصيام
اعزّ من جا من الضيفان واغلى مقيم
شهر التسامح وشهر النور شهر السلام
شهرٍكريم ن ولو كان ابن آدم لئيم
يارب عفوك وغفرانك وحسن الختام
وردّ من ضل للدرب الصحيح السليم
يوم اذكر النار وذنوبي يطير المنام
وافزّ مذعور وألقى رحمتك يا رحيم
عبدك وجيتك اشيل من الذنوب العظام
محسن بك الظن يارب العباد الكريم
عبد الله عطية الزهراني
