حب الوطن فوق القصايد والامثال
بقلوب شعبه يا قصيدي محله
حب الوطن ما يشرحه كل من قال
مهما كتبنا الشعر دقه وجله
هذا وطنا غير في كل الافعال
نفداه بالأرواح عن كل زله
المملكة ديرة زحازيح الابطال
آل السعود موثقين الأدله
حكامنا يفداهم الحال والمال
هذا الصحيح اللي عليه الله الله
وحنا بخير وعزٍ في كل الأحوال
بقيادة اللي كل فعله اجبله
خادم بيوت الله وسيفٍ(ن) لمن عال
وللشعب غيث ومزنة مستهله
وحنا جنوده لا طلب مطلبه نال
عدونا في موقعه نستحله
قول وفعل ما هي دعايات جهال
واللي عقد حبل البلاوي يحله
وهذي عوايدنا من اجيال لجيال
وعهودنا على مبادي ومله
ولا ينثني عن عهد الأجيال رجال
السيف في وقت النوايب نسله
والله يحفظنا من سهوم الأهوال
ويحفظ بلدنا من خطر كل عله
الشاعر/ مقبول بن قطنان الشلوي
