غموض البحر والملح ما خوّف البحار
سرى يدفعه شوق الفقير لهوى الدانه
وانا لي على اطراف السواحل وطن واسرار
جذبها هواك ونجمة الوجد سهرانه
لو اني من اهل الكهف وعيونك انتِ الغار
عشقت المنام وجنة الرمش واغصانه
مسا البارحة ما مر عطرك على النوار
ونامت وروده من عنا الشوق ذبلانه
عسى خير والغايب يقدم سبب واعذار
ومهما حصل تشتاق له تربة اوطانه
تعالي بحر جده كسر خاطر الزوار
ولافيه غيرك لا لفى يجبر احزانه
عطيني يمينك والشوارع زهر وامطار
نطوف السحاب ويفتح الفجر بيبانه
مثل معطفك لا فل ريشه وشب النار
وجمّع يدينا البارده تحت جنحانه
نطير وسمانا حلم غيمه وطيش صغار
جمعهم مصيرٍ تجهل الشمس عنوانه
عشقتك ولي مبدا مثل قايد الثوار
يموت وطموحه لو قسا الوقت ماخانه
تمنيت اطيح برمش عينك وانا المختار
شموخه رسخ في البال من كبوة حصانه
