عد ماحن رعد وما تلامع بروق
وعد ما اقبل من المنشا صدوق الخيال
مرحبا في قدومك يا أصيل العموق
يا رفيع المناسب من عمام وخوال
طال شوقي وشعب المملكة حن شوق
ننتظر عودة العاهل كريم الخصال
يا ملكنا حفظك الله من كل عوق
كل شعبك يابو متعب ينادي تعال
طول غيبتك مثل النار تحدث حروق
وجيتك تبعث البهجة لنا والآمال
كل شعبك يابو متعب وفي وصدوق
وانت للشعب بعد الله وارف ظلال
لو تبوق الشعوب ملوكهم ما نبوق
الولا والوفا في نفوسنا لا يزال
يا ملكنا على شعبك رحيم وشفوق
وحكمكم بالعدل والظلم ماله مجال
راية العز ترفع فوق والله فوق
ولايزال الولاء لملوكنا لايزال
ذي مشاعر عتيبة كل برقا وروق
وكل شعب الجزيرة بالوفاء والكمال
حبكم بالقلوب وجاري فالعروق
وارثينه ويبقى بعدنا للعيال
العميد/ ضيف الله سويلم العتيبي- المدينة المنورة
