الأربعاء عشرين.. تاريخٍ جديد
ينسخ بوسط القلب.. وبكل هامه
اليوم كأنه عيد والفرحة تزيد
رجع لنا مليكنا بالسلامة
وانزاحت الغمة وكل التناكيد
صار الهنا في مملكتنا علامه
في غيبته عشنا بضيقه وتنكيد
هذا ملكنا ماعلينا ملامه
كلن فرح في عودته دون تحديد
وكلن تريح واهتنا في منامه
اقبل يهل الخير وأفضاله تزيد
يشبه لغيثٍ نازلٍ من غمامه
مكارمٍ طالت قريبين وبعيد
والطيب هو والجود علق وسامه
واصدر قراراتٍ عظيمات واتفيد
ورعيته دايم مصب اهتمامه
يالمملكة خلي صدى صوتك يزيد
وتسمع شعوب الأرض كيف احترامه
هلو ببو متعب بزين الأناشيد
وقولوا عسى الرحمن يرفع مقامه
قولوا هلا مليار مرات وتزيد
مليكنا راجع لقصر اليمامه
عن شيخنا عسى المرض يبعد بعيد
وصلوا على خير البشر في ختامه
الشاعرة- العامرية – الرس
