طموح سلمان الوطن ما له حدود

يبي الرياض يصير ما له مثايل

يبي تعانق هامة السحب بورود

وأوجدت له تصميم فيه الهوايل

للعاصمة صممت تصميم مشهود

لليوم والقادم وضعت الدلايل

في ظل توجيهات سلمان مشدود

تسعى لتحقيق الأمور الجلايل

تخطيط ابن عياف وإشرافه يزود

على المرافق غير سكنا العوايل

رغم المشاغل والتعب غير والكود

أوجدت للتنفيذ كل البدايل

عقب الصحاري والحوانيت وأنفود

هذا العمائر للتقدم رسايل

أوجد جديداً فاخر ما له حدود

هذي فعول الصادقين الفعايل

اللي بحكمه صارت سهود ومهود

الأمن وافر والعطايا جزايل

عبدالعزيز الصيرمي باني الطود

ثبت بناها واحتموه السلايل

يا شيخ يا دكتور من صلب آل سعود

أهل الوفاء والطيب وأهل الجمايل

يامين عاصمة تفاخر بك وفود

فعلك تفوق في جميع الوسايل

رايتك بيضاء والفعايل لك شهود

في العاصمة ظاهر ما هو قول قايل

يوم أمير المنطقة يرغب الزود

العاصمة حطيتها بالاوايل

هذي جهود فايقات ومجهود

قليل مثلك وافياً بالخصايل

طيب وكرم وإخلاص وإنجاز موجود

واضح وضوح الشمس وقت القوايل

الخير فاهله دوم والعلم مردود

باللي فعوله بالنوادر مثايل

يا أمير يا دكتور ومهندس زود

فعلك يشوفونه شعوب وقبايل

حيث إن طبعك والكرم زاد بالجود

غطيت ناس من عيال الحمايل