في عيونك كلامٍ ما قدرت أسمعه

رايعه يا عيونه لو بدون الكلام

وأن حكيتي دخلت بعالم المعمعه

وأنشغل في عيونٍ في هدبها ظلام

يا مسافة هجوسي هاجسي ما أطمعه

والهواجس بمثلك ما عيها ملام

السفر مع عيونك سيدي ما أروعه

ما تطول المسافه في حضور الغرام

هاجسي فل مني ما قدرت أجمعه

بين بيروت وصيدا استطاب المقام

جيت كل وضوح وما لبست أقنعه

أتسامى وأعانق ساريات الغمام

صح فيني جموحٍ ما قدرت أمنعه

وأكذب إن قلت أقاوم شوقي المستهام