رفيقك اللي للصعيبات ذاخرك

اليا بدا له فيك هفوات وآمال

اعطه مطاليبه ولو كان تعسرك

ليا فزع لك لا تحده على الجال

تمسى وتصبح وأنت مسرور خاطرك

ومسكر البيبان عن هرج الانذال

وليا سمع بك راعي الطيب يشكرك

عند الرجال اللي لهم صيت وافعال

وصحيبك اللي بالمراجل يجاكرك

احذر يجيله في مراجلك مدخال

مما تحوش إيداه ما هوب مخشرك

لو تطلبه ما عطاك من جيبه ريال

تراه في كل المسايل يناظرك

ويفرح ليا ما صرت للثقل حمال

وإن شاف له تقصير كيف وحقرك

ويهرج بتقصيرك على كل رجال