يا مرحبا باللي بالأمجاد له شان

أمير نجد اللي به أنا نماري

ساس الشموخ وقمت المجد سلمان

وكلن شهد أن سلمان نادر حراري

شيخ على شعبه عطوف وحنان

اللي سكن ببلادها والصحاري

لك الوفى والطيب يا مير عنوان

يا سور منه جاريله جواري

عساك تبقى ذخراً يا طير حوران

يا شيخ نجد ويا كبير الوقاري

وصلك بأبو خالد عضيدك بليهان

يومه شكى من بعض جار الجواري

يالله عساه مجار من كل ما كان

جعله بشامخ خير لا بنحداري

هاذي سنه ولزود ما شيف سلمان

هذا الغلا ماهوب حباً تجاري

ومع الفهد فعله نشوفه بالأعيان

في جانبه في طاريات الطواري

ياالله عساه بجنة الخلد سكان

لاشيف له لقطة تهل العباري

اللي يحب سبيع بالحيل وكدان

يقولها مهوب والله يداري

وكل القبايل عنده أحباب واعوان

لاشك ما ينسى فعول الضواري

أبو فهد يشبه ليا ثار بركان

وليا رضى بالطيب ما له مماري

شبه الزعيم اللي حذف راس عجلان

غصباً على من كان عنده اجباري

كافح وجاهد في صعيبات الأزمان

نوب صباح ونوب مسرى غداري

لين استتب الأمن في كل الأوطان

ولعاد من شلفى ولا من سواري

الشعب واحد وكلهم صاروا إخوان

والكل للمذكور فاهم وداري

بحكم آل سعود مطوعة كل شيطان

بغير الشريعة ما يصدر قراري

اللي يعز النفس للنفس ما هان

ومن انحرف ما عندهم له وقاري

قال السبيعي من معانيه ما بان

من لابتن عند الملاقي فواري

ياوي سبعانن ليا ثار دخان

عدوهم منهم يشوف العزاري

وأنا معك يا شيخنا سر وإعلان

تحت الطلب في ليلها والنهاري

وكل القبايل نعم ما قول نقصان

كل له فعوله وجاله مواري

ولانيب عاجز عن طويلات الألحان

لاشك حلو القول بالاختصاري

وصلاة ربي عد همال الأمزان

وعد الحصى وعداد نبت البراري

على النبي الهاشمي نسل عدنان

اللي سعى بالدين وأمره جهاري