تر حلاة الهوى لا طالت المدّه |
ما هوب يومٍ صديق ويوم قوماني |
وإن كان ما انت بمصافيني على الشدّه |
وقت الرخا واجدٍ ربعي وخلاني! |
سليمان بن شريم |
ضحوك اللمى له غرّةٍ كنّها القمر |
إلى شعشعت يسري على نورها الساري |
حسينٍ سواته ماحدٍ شاف أو نظر |
غزالٍ بزينه يخجل البيض ويماري |
عبدالله الفرج |
يا جماعة إن عزمتوا على إنكم راحلين |
غمغموني عن مظاهيركم لا اشوفها |
كنّ في قلبي لهب نار ربعٍ نازلين |
أشعلوها بالخلا والهبوب تلوفها |
بخوت المريه |
لا عاد لا حيله ولا به مراسيل |
مشكل غرام الحب يا من يحلّه |
بلواك يا راعي العيون المظاليل |
اللي خذيت الزيت والملح كلّه |
سليمان بن حاذور |
|
