تفاعل الشاعر عبدالله السميح العتيبي مع قصيدة الشاعر عبدالله بن شامان التي مطلعها:
|
(واجد مسحت أرقامهم يابن زرّاق |
لو إنهم حيين ما أبغى لهم عرف) |
|
نهج الوفا طبعٍ لسمحين الأخلاق |
والا الأراذل معرفتهم على جرف |
واجد عليهم ذارف العين دفاق |
عيني عليهم دمعها تذرفه ذرف |
لا سمر الداجي علي الفضا ضاق |
يوم اذكر زحول المواقف هل العرف |
كل ابلجٍ شامخ وللمجد سباق |
على النقا مايعرف الزيف والدرف |
كني وهم حولي على راس شوهاق |
واليوم كني واقفٍ لي على جرف |
اقفت بهم دنياً لها الغدر ميثاق |
تجميعها صدفة وتفريقها سرف |
دنيا تكدر يا أبلج الوجه ما لاق |
من يوم قامت تخرف اهل الوفا خرف |
وأنا يابو فيصل لشرواك توّاق |
لو تبعد الخطوة ولو يصعب الظرف |
هيضت مكنوني بتلعات الأعناق |
غرٍ تسامن عن هوى ناعس الطرف |
ودونت مايشفي رفيعات الأذواق |
يا وافي اللزمة ويا سامي الحرف |
شعر: عبدالله بن متعب السميح العتيبي |
|
