يا مرحبا والشعر جا وقت تعبيره |
عن فرحةٍ بالمشاعر جا يرددها |
شعبٍ ملك بالوفاء «سلمان» تقديره |
محبةٍ بالنفوس وجات تكّدها |
الله يحييه.. ويسلمه.. ويجيره |
من جور الأيام وسنينه يمددها |
شيخ الوفاء.. بالوفاء يفرق على غيره |
والمجد سيرة مقام العز مجّدها |
خبر وصوله علت «نجدٍ» تباشيره |
صارت عليه أبرك الساعات وأسعدها |
لا حل به من رعاه وقاد تطويره |
والمنجزات العظيمة فيه شيّدها |
«سلمان» واسم المسمى طيّب السيرة |
نفسه لخدمة بلاد الخير جنّدها |
والشعب باليسر ولا في معاسيره |
مواقف الطيب من سلمان ياجدها |
على الوطن والمواطن ضافيٍ خيره |
مواقفه كل منبر حق يشهدها |
ونوادر المجد بالفعل ومشاهيره |
«أبو فهد» سيدي سلمان سيّدها |
فتاة نجد |
|
