قصيدة بمناسبة عودة صاحبتي السمو الملكي الأميرة صيته بنت عبدالعزيز -شفاها الله وعافها- والأميرة نوف بنت عبدالعزيز -حفظها الله- إلى أرض الوطن
|
بعض الهموم تجيك مسيار وتروح |
وبعض الهموم تقلطك فوق ملّه |
وبعض الهموم تجر عاليك لسفوح |
تلز معلوقك على كارهٍ له |
والكود كل الكود لا وصلت الروح |
تلمّس شغاف القلوب وتتله |
مرت سنه والصدر ما ظلله دوح |
ولا بلل عروقه ثرى المستهله |
كان الدعا ما وافق الباب مفتوح |
يا رب شرّع بابها للموله |
يا بر يا رحمن يا مكرمٍ نوح |
أنت اللطيف ومبريٍ كل عله |
يا حي يا قيوم يا حافظ اللوح |
صيته بوجهك يا مُهل الأهله |
أم الحميه والشرف مشرق الضوح |
لا ضيّع الغادي سبيله تدله |
من جاهها المعروف مُهدى وممنوح |
ولو ما بغت ما طاوعتها الجبله |
كذا خلقها الله مثل صادق البوح |
ينصى محله وان تعسّر محله |
ما شيّد الله للوفا قصر وصروح |
الا عطا نوف الوفيه مطله |
في صوتها رجوى السلامات مبحوح |
وفي همهماته للدعا موطنٍ له |
لها سنه وآمالها تمعن الشوح |
وهي تلفت للولي في رجى له |
الله كريم يطمن النفس ويفوح |
عطر السلامه والشكر شاهدٍ له |
ياللي خلق اسمى عجايبه في نوح |
ارفق بصيته يامهل الأهله |
|
