( كلمتني وحدة واضح إنها متعلمة ومثقفة في البداية كانت تتكلم معي عن المخدرات وأضرارها وأخطارها. ثم قالت أنا عندي أخوي مدمن مخدرات وخمر ومقلق راحتنا بس تكفى أبيك تقنع أمي إنكم تجون وتاخذونه وتعالجونه مثل ماتقولون بالجرايد.. قلت أعطينياها.. كلمتني الأم.. وقلت ياخالة الكلام اللي تقوله بنتك صحيح ترى عندنا توجيهات من الأمير نايف بأننا في خدمتكم.. قاطعتني وقالت ياولدي والله إننا أسرة طيبة وعيالي كلهم مسؤولين اللي طبيب واللي مدرس إلا ها لنزغة هالصغير هذا مزعجنا هو وربعه الدشير سبب لنا المشاكل مع أهلنا وأقاربنا وجيرانا وأنا أم ياوليدي وإذا صحيح اللي تقوله وما تسجنونه تعالوا وخذوه وفكوني من شره.

وجلست تبكي وكأن بكاها يقطع القلب.. أرسلنا لها الفرقة ونقلوا ولدها..واتصلت تتشكر.. ودعيت لها أن يحفظها ويحفظ وليدها ويهديه الله).