على مساحات العتب قفّل الباب |
ما للعتب في ما نكنه مكانه |
«صدق الوفاء فينا» مطاليبه اصعاب |
قدره.. رفع قدر المحبة وصانه |
في كل حال وغيب الأيام ما جاب |
سر الشعور اللي كياني كيانه |
|
ما للزمن في نظرتي هم.. وحساب |
لا تلتفت!! لأقسى قساه.. وليانه |
|
يكفيني أني هاجسٍ فيك ما غاب |
ويكفيك من قلبي غلاه.. وحنانه |
مشاعري يمك!! بالأشواق تنساب |
وشوقك لي أطلق بالمحبة عنانه |
ودي.. وودك.. غير عن كل الأحباب |
ما قللت الأيام من كبر شانه |
يعني تجاوزنا!! مشاريه الأسباب |
وجه العتاب.. ألغى وفانا.. بيانه |
إحساسنا على أصعب الوقت غلاب |
يزداد مع زود الليالي ضمانه |
مراحله تحكي وفاء بيض الألباب |
تعمّقت ودّ.. ووقار.. وميانه |
ومن الغلا.. ما تظهره نبض.. وكتاب |
من دافع القلب الوفي.. للأمانه |
قل للغلا يظهر على كل الأبواب |
ما للعتب! فقلوبنا من مكانه |
بيني!! وبينك «قصةٍ» حظها طاب |
من طيب رأسك طيّب الله زمانه |
فتاة نجد |
|
