لحظة..! يالأندية دامه العلم قد بان
|
بظهوركم طشوا ثقيل الحموله
|
وجيبوا لنا كأس من كفوف (سلطان)
|
كأس الزعامة والفخر والبطوله
|
لاهنت (يالاتي) ولا (الليث) لا هان
|
هذا زعيم المجد من هو يطوله
|
يسبر ذهب ويحط له دوم نيشان
|
ويصيده بحنكة وما هي سهوله
|
عزمه كما موج مجاريه غرقان
|
بحر يجيب الموت عرضه وطوله
|
زعيمنا يحتار بابداعه اذهان
|
له مرقب عالي وصعب وصوله
|
يحلال له المشراف من دون نقصان
|
زعامة يبرالها صفقوله
|
أميرنا (الشاعر) فخر كل الأوطان
|
اخلاصه وفكره سعى في قبوله
|
ذرب حليف المجد في مر الأزمان
|
ما مر في وجه الزمن مثل زوله
|
واخوه (عبد الله) من طوال الايمان
|
المعضلة بيده تجيك محلوله
|
وما به قصور في نجوم لهم شان
|
وقت القبس كل سرج لك خيوله
|
هذا الهلال وخصمه اليوم حيران
|
يعجز يداري فالمسابق ذلوله
|
غلطان يا معاديه بالحيل غلطان
|
كانك جهلت افعاله ابخص فعوله
|
يالاندية بالهون فالكل خسران
|
أيّة بطوله للهلال امعقوله
|
خالد بن بدر بن صالح العمار – الرياض |
|
