ما جيت أودّع لاعبٍ مثل نواف

لأني أشوفه (تاج) كل اللعيبه

لاعب لكل انجاز لا بد ينضاف

اسمه (ذهب) يلمع.. وما هي غريبه

(نجم الملاعب) جد.. له كل الانصاف

لا طبّ في الميدان.. اسمٍ وهيبه

كلٍ يحبه فن.. أخلاق.. ومن شاف

هذي جماهيره بجنبه قريبه

عرف معاني الحب من كل الأطياف

وكل الميول (أزرق).. وهذي الضريبه!

من شان رقم (11) ما نعرف خلاف

وأنت الوحيد اللي تلبّى مطاليبه

بعدك ترى الكورة من جد تنعاف

تترك لنا إبداعك.. يا مطوّل الغيبه

بعدك نشف حبري وتوقّف القاف

وإن قلت يا شعري رجع.. فالكذب خيبه!

ولا الحقيقه.. جيت لعيون نواف

يستاهل التقدير.. (تاج العيبه)

الشاعر النصراوي : مبارك البنيّان

صفحة الجزيرة الرئيسية

الصفحة الرئيسية

رأي الجزيرة