وصلت مقاديم السعد والفرح غير |
غيثٍ من القبلة ترادم سحابه |
حي السحاب إلي مزونه مزابير |
اللي ليا من هل كل درابه |
خير من المنشأ وفي مقدمه خير |
بقدوم شيخ المرجله والمهابه |
النا سنه واشبوحنا يم اغادير |
نرقب مجي الي صعيب غيابه |
المملكة هلت عليها النباشير |
ساد الفرح فينا وقلنا هلابه |
اهلا هلا ومن الفرح غرد الطير |
اسدل على الشعب السعودي اثيابه |
يا مرحبا حييت بسم الجماهير |
وعن صوت شعب المملكة بالنيابه |
اي والله ارحب يا طويل الاشابير |
يا شيخنا اللي كل طيب وفابه |
يا مرحبا حييت من صافي البير |
من صدر شاعر فيض حبك سطابه |
يا مرحبا وبدرعك مقدّي السير |
سلمان حاكم نجد ذيب الذيابه |
رفيق دربك فالليل المعاسير |
هاذي هي الخوه ولابه غرابه |
ياقف مواقيفه كما سالم الزير |
فالسلم ولا في نهار الحرابه |
ياسيدي سلطان ماجاك تكفير |
والحمد لله يوم زال الكآبه |
الشر زال وقدمك الخير يامير |
والحر مثلك ما يعثره صوابه |
رحب بك العارض ورحب بك النير |
والشب والشايب وزاهي خضابه |
يا عضد أبو متعب كعام المساعير |
يا سيفنا اللي لا سطا يندعابه |
طاب اللقاء بعد العنا والمشاوير |
لرضاك نقطعها بعزم وصلابه |
يا الساطي الصارم ما بين البواتير |
والسيف تعرف سلته من نصابه |
كريم سبلا ما تحسب المخاسير |
تتعب يمينك عاصبين العصابه |
سيرتك زادت صفحة المجد تنوير |
والطيب ورثه من عصور الصحابه |
نايف الحميدي الدغيلبي |
|
