سلطان شوفتك وسط المملكة يوم عيد

شوفتك من بيننا مثل النفس.. للحياه

المملكة في قدومك كلها لك نشيد

من برّها للبحر كلٍ يبيّن.. وفاه

عساك دايم بخير وكل يومٍ تزيد

في عافيةٍ كثر ما تبذل لمالٍ وجاه

سلطان له في قلوب الشعب مبنى جويد

ما ينهدم دامه اللي في يمينه.. بناه

مادام كلٍ يحبه والعدل له.. رصيد

ما هي غريبة لو ان الكل طوّح نداه

يستاهل اللي كتب به من حروف القصيد

يستاهل ان المعاني ترتفع في سماه

ما خاب من هو مثل سلطان حطّه عضيد

انا اشهد انه تحيزم بالشجاعة وراه

صميدعيٍ يروز الكايدات.. ويجيد

لامن نوى له طريقس حققه ما عصاه

متواضع للتواضع وبالقساوة عنيد

صعبٍ سهل كيف ما يمشي عليه ويراه

والله لو هو بيدّي كل ساعه لاعيد

وانشر قصيدي بكل اعلامنا من غلاه

واقول هذا دليل الحب يا من.. تريد

حبّه كسا المملكة لين ارتفع مستواه

أدري قصيدي بحقه ما يسمى قصيد

لا شك هذي مشاعر مرتوٍ من عطاه

وترجم شعور الفرح والرب فوقه شهيد

عالم خفايا البشر واللي ظهر من خفاه

محمد المويعزي

صفحة الجزيرة الرئيسية

الصفحة الرئيسية

رأي الجزيرة