يا مرحبا وعداد وبل من الأمطار |
بللي لفونا من ديار بعيده |
سلطان جعله من طويلين الاعمار |
يسعد زمانه والليالي سعيده |
سلطان نور المملكة واف الاشبار |
اللي على الأيتام ما شحت أيده |
وسلمان أبو فهد هو نسل الأحرار |
نعم باخو سلطان وهو عضيده |
والعاصمة من جيته زادت أنوار |
وقصر الحكم عيّد وهو يوم عيده |
صقر الحزيرة ريف للشعب والجار |
ويطول في عمره سنين عديده |
محبته بقلوب شعبه من الأخيار |
وإلا الرهابي جعل ربي يبيده |
الحكم من دونه أهل العز والكار |
الاد مقرن والمواقف حميده |
حكام نجد شيوخ وافين الاشبار |
نجم على راس المعادي مكيده |
عبدالله وسلطان هم نسل الأخيار |
ونايف فعوله كل بوها رشيده |
نايف الى عدَّو هل الطيب والكار |
أبو محمد والسجايا حميده |
واخوان نوره ليعتلو شحص الأمهار |
ما عاد يبقى للمعادي شريده |
انتم أهل العوجا ليصار ما صار |
ضد العدو ليبان وانتم ضديده |
الحكم من دونه أهل السيف بتار |
معزي حكم حكم حدوده بعيده |
من زار حد المملكة انكسر وانهار |
يونس على كبده حرايق وقيده |
من دونه الشجعان فادو بالاعمار |
والحوثي اقفى ما حصل ما يريده |
لصوصه تلاوذ من الفشك كنها فار |
راحو ضحايا عند هاك الفريده |
جمع اقفى وانهزم وزبن الغار |
مثل الثعل لابد الايدي تصيده |
جمع إرهابين خاين وغدار |
طاغي وقلبه خالي من العقيده |
غره إبليس وحصل الذنب والعار |
يريد شي وطعنته في وريده |
وصلاة ربي عد من يرمي الاجمار |
على النبي الخير ربي يزيده |
مما قاله الشاعر - إبراهيم بن ناصر الزامل الحوشان-محافظة المزاحمية |
|
