ماجد الشاوي.. شاعر لا يشبهه إلا ماجد.. أحرف تُعلِّم المتجلِّي إليها أن عبق الورد الطائفي، ودهن العود، والمسك، والعنبر، والتداعيات والأخيلة والرموز والصور هي خلطة (التجربة المتبلورة) تماماً لدى مَنْ في يده عنان القصيدة الخاصة بشاعر تحمل (بصمته) للأبد عند رفاع الذوق:
|
أنا ما أخطيت هذا رد فعل لكل ما قاسيت |
تماديت بدلاله.. لين زاد الكيل عن حده |
بغى يقرأ الخفايا في عيوني مير مالديت |
تذكرت إني أرخيت العنان وواجبي شده |
وقفت بعيد عنه هناك لاقفى ولا قفيت |
من الحيره ونظرات الشماته جاه ماسده |
عيونه تطلب الغفران ولسانه يقول أخطيت |
وأنا عيني على عاريةٍ ماجت على قده |
قسيت أكثر من اللازم بوجهه وإن غفل ونيت |
كما المجبر على جرح الضنى لو كان ما وده |
أنا مثل البحر كلي عطا.. لو تحسن التوقيت |
أغار وما كشف جزر البحر غطاه في مده |
وأنا مثل البشر كلي خطأ يا طول ما داريت |
تعال اكسر جدار الصمت واللي تكرهه بده |
غيابك في حضوري لهفة النيران للكبريت |
وشوقك في غيابي ريفٍ أحرى والشتاء لده |
غرقنا بالرموز وحبنا ما بين حي وميت |
أنا.. وإلا أنت وإلا حظنا اللي واقفٍ ضده |
حشى ما عافك الخاطر ولو مالي نظر ما جيت |
حرام تحمل إحراج المولع شايعة صده |
لو إنك شخص عابر في حياتي كان ما ربيت |
حرام أبني لك بوسط الضماير صرح وتهده |
أحنه من خطاه وما عليه لوم لو حنيت |
أوريه الغضب لحظة.. وأسامح وآخذ بيده |
ماجد الشاوي |
|
