حتى السهر مل السهر يبغى ينام |
من ينقذ عيوني من الليل الكئيب |
عيني ونومي دايم بموقف خصام |
حتى سواد الياس من قلبي قريب |
ما يلحق عيوني عتاب ولا ملام |
غريب والدمعة تدور عن غريب |
حاولت اضوي شمعتي وسط الظلام |
عندي يقين ان الغلا حظ ونصيب |
حاولت اجاري وحشتي وسط الزحام |
اسكت واداري لوعة القلب الصويب |
اللي بقى من باقي الامس.. الحطام |
صرخه وتاهت مالقت شخصٍ يجيب |
بيني وبين احزان ايامي وئام |
بالضبط كنه جرح.. لايمكن يطيب |
ارجع ياليلي والسهر ملح الغرام |
قد قلتها من قبل في.. فرقى الحبيب |
تعبت اسولف عن حكايات الهيام |
وارسم ملامح عاشقٍ دايم يغيب |
ذكرى ولكن كنها واقع.. تمام |
تسرح وتمرح لارقيب ولاحسيب |
شاعر محطم - والسما فيه الغمام |
الله يا حزن سكن فيني رهيب |
اكتب مشاعر والقلم مل الكلام |
وانا بعد مليت من.. ليلٍ كئيب |
عبدالله بن سمير الحربي - تبوك |
|
