يا لله يالي تجير انك بجاهك تجير
|
الدولة اللي لها بالكون جاه وكيان
|
أرض النبي والصحابة والكتاب المنير
|
من كيد عدوانها اللي بالخفا والبيان
|
المملكة مالها على البسيطة نظير
|
فيها الشريعة مع السنة تقام وتصان
|
لكن مادام عبدالله يقود المسير
|
عدوها في قدم رجله يداس ويهان
|
بحلول عيد الفطر جعله يعود الأمير
|
في عودته تكمل الفرحة بعيد رمضان
|
الله يعلم بحبه وش يكن الضمير
|
بعيون وقلوب شعبه له وجود ومكان
|
سلطان سلطان دولتنا الأمير الشهير
|
مكانته شانها بالحكم والشعب شان
|
هو سيف أبو متعب اللي في يمينه شطير
|
في عهد عبدالله وسلطان ساد الأمان
|
أنا أشهد انه صدق من قال سلطان خير
|
فيه الدهاء والبطولة مع فصاحة لسان
|
كل الخصال الحميدة تجتمع بالوزير
|
ولا اظنها تجتمع في غيره إنسان كان
|
سلطان طبعه على شعبه ربيع وهجير
|
يمناه عون لهم على ظروف الزمان
|
ياما مسح دمعةٍ على خدود الغرير
|
اليا فقد والديه اضفى عليه الحنان
|
عطاه غيث الكبود وعز راس الفقير
|
يفرح به اللي عليه الوقت عاكس وشان
|
المملكة من شمال طريف لأقصى عسير
|
ومن سيف جده إلى الدمام حتى عمان
|
سكانها استبشروا صغيرهم والكبير
|
بشوف من يملك العليا عيان بيان
|
سعود بن ناصر الطريسي |
|
