يا سيدي بدري على فكر الإرهاب |
يحقق أهدافه ويبلغ مرامه |
وش عاد لو كون جماعات واحزاب |
واعلامٍ يمشيه على نظامه |
لو جربوا كل الوسايل والأسباب |
هامتك تقصر دونها كل هامه |
فشل مخططهم ودى ولا جاب |
الا الخزي والعار فوق الندامه |
عقب يئسوا من حلمهم وأملهم خاب |
اخر عوج فيهم بغا الاستقامه |
ومن قال أنا تايب وللعفو طلاب |
قابلته بصدر رحب وابتسامه |
رجل الأمن من جاه يأمن ما يرتاب |
مير المنافق ما صدق في كلامه |
كذاب لا يوم الحشر وألف كذاب |
وأخذ جزاه وهاذي أول علامه |
أول ما شافك مع دخوله مع الباب |
قام يتراعد ما تشيله عظامه |
من هيبتك صابه توتر في الأعصاب |
بغا السلامه مير ما به سلامه |
حاول يخادع لكن اخطى ولا صاب |
وأكبر هدف مطلوب واقف أمامه |
لأنك من أهل الحق والحق غلاب |
ومعروف راع الحق صعب انهزامه |
الله يديمك للوطن درع وحجاب |
يا رجل الأمن الأول ويا حزامه |
وألك الولاء منا بلا عد وحساب |
ولا يخلد لين يوم القيامه |
(ولا تأمن الارهاب لو تأمن الداب) |
(لو عاهد ووقع ابصمة ابهامه) |
محمد بن سطام بن عون |
|
