أجمل تهاني وتبريكات وأشعار |
أزفها بالحروف الأبجديه |
للنادر اللي تهابه كل الأخطار |
خصم الأعادي وصقر الداخليه |
يا سيدي وانت من وافين الأشبار |
ما حدٍ يعلمك سر العبقريه |
حتى خيالك يهز قلوب وديار |
بالذات من جاهروا بالعنصريه |
أعطيت درس بلاش الكل الأشرار |
نظرتك تربك حسابات قويه |
لا شاهدك خصم مهما كان ينهار |
ويضيع ما عد تعرفله قضيه |
نهاية اعاداك بيت الموت والنار |
في وقتنا والعصور الأوليه |
يموت من هيبتك خاين وغدار |
حاميك من غدرهم رب البريه |
حيثك على حق دايم مخلص وبار |
وتحارب أهل العقول الجاهليه |
واضح ولجل الوطن ما عندك اسرار |
من هدد الأمن ما له قابليه |
علمك نايف ونايف وافي الكار |
من علمه ما يدور له وصيه |
نايف خبير السياسه سر وجهار |
جزل المراجل ومدهال العطيه |
ما تختصر نايف الأمجاد الأخبار |
ولا تنحصر سيرته في شاعريه |
يا سيدي وانت ما توفيك الأشعار |
لاشك هذي مشاعر لك هديه |
دحيم النومسي |
|
